Os bombeiros en acción

Yi-Huan Wu 

Este libro explícalle aos pequenos como é o camión de bombeiros e que cousas ten dentro. Tamén explica como fan para apagar os incendios, etc. Anímate a lelo.

​

​

Inventario de dinosauros

Virginie Aladjidi | Emmanuelle Tchoukriel 

Unha selección de dinosauros con toda a información que poidas encontrar. Recomendado aos que lles gustan os dinosauros. Poderás descubrir o ano, en que tempo, se eran carnívoros ou omnívoros, canto medían, canto pesaban, con debuxos moi bonitos e os nomes científicos. É un libro impresionante, con sitios para visitar. É moi chulo

O oso e o piano

David Litchfield

Este libro trata dun oso que encontra un piano nun bosque. Cada día volve para tocar ata que un día empezou a tocalo perfectamente e todos os osos e familiares vírono tocar. Un día unha nena invitouno á cidade para tocar. Ven a velo á biblioteca

El globo rojo en la lluvia

Ricardo Liniers 

Non cabe dúbida de que o arxentino Ricardo Liniers é na actualidade un dos nomes máis destacados na banda deseñada tanto para adultos como para nenas e nenos. O título que agora comentamos é un pequeno álbum que relata unha historia sinxela pero de maneira moi fermosa. Como Liniers adoita facer. Un conto para antes de durmir, un conto para saborear en compañía.

El caso del reloj de 1812

Javier Fonseca

O xénero policiaco ten desde hoxe un novo membro na nosa biblioteca. Trátase dunha nena que quere ser detective e que, con axuda, buscará resolver un caso situado no mesmo día en que se aprobou a primeira constitución de España. Ademais de para entreterse, este libro vale de axuda para aprender máis inglés.

A colmea

Petra Bartíková | Martin Sojdr

Imaxina que es unha abella e pasas un día na colmea. En primavera irías de flor en flor. Divertiríaste collendo pole. Se che gustan as abellas gustarache este libro.

​

​

Operación Frankenstein

Fermín Solís

Este libro trata de tres irmáns que son Boris, Víctor e máis Elsa. Todos axudan nas tarefas da casa. Boris baixa o lixo. Un día baixando o lixo encontrou un corpo e un brazo e se lles ocorre facer un boneco dun... personaxe. Terás que lelo para descubrilo pero tiveron que ir por casas a polos materiais. Que pasará...?

A miña profe é un monstro!

Peter Brown 

O conto trata dun neno chamado Brais que ten un problema e o seu problema é que a súa profe é un monstro. Pero cando ten tempo libre, Brais está no parque. Pero un día, de camiño ao seu lugar favorito, Brais levou un susto enorme. Ás veces os monstros non son o que aparentan.

El zoo petrificado

Joris Chamblain | Aurélie Neyret

No xénero da banda deseñada hai cada vez máis onde escoller. Xa é posible atopar un cómic para cada idade e para cada gusto. Os diarios de Cereixa, do que acabamos de adquirir dous números, son obra de Joris Chamblain e Aurélie Neyret, dúas figuras emerxentes da escena literaria francesa.

Vida sá

María Corbacho | Enrique López 

Trata de hábitos saudables para unha vida sá e conta a vida dunha muller que antes non tiña unha vida sá. Conta hábitos que ela seguiu para levar unha vida saudable, como a que hora deitarse, comidas saudables, facer exercicio, etc. Inclúe receitas que podes facer ti na casa.

Diversidad. Somos diferentes, únicos y especiales

Varios autores

Este libro está feito a medida para intentar parar as pelexas e o bullying. O conto fala bondadosamente de evitar a guerra no cole. Trae un xogo para descubrir o que pensan os demais. O xogo chámase "Ponte en mi lugar".

El capitán Pug: El perro que surcó los mares

Laura James | Églantine Ceulemans 

Pug, o protagonista da triloxía de Laura James, é un can que lle ten medo á auga. Nesta primeira entrega, que acaba de chegar á nosa biblioteca, terá que resolver unha complicada situación posto que Lady Miranda está decidida a pasar o día no mar e a converter a Pug nun verdadeiro capitán.

As abundantes ilustracións xunto cun tipo de letra especialmente axeitado para os primeiros lectores axudarán a gozar desta historia e das que veñan.

El gran libro de los niños malos

David Walliams | Tony Ross

David Walliams é un dos autores de maior éxito entre o público infantil. Cada unha das súas historias é traducida a multitude de idiomas e fai as delicias de nenas e nenos de todo o mundo. As ilustracións de Tony Ross son o complemento ideal para un libro disparatado na liña dos mellores de Roald Dahl.