Espazo ALFIN
INFORMACIÓN PARA O ALUMNADO
Nesta web vas atopar axuda para obter información valiosa que te permita seguir aprendendo.
Vai ser como unha especie de mapa para orientarte nun mundo inmenso no que non todo é información.
Imos axudarte a identificar as falsidades que circulan polas redes e que fan moito dano.
Imos proporcionar fontes fiables para que poidas levar adiante as investigacións que ti queiras facer.
INFORMACIÓN PARA AS FAMILIAS
A alfabetización mediática e informacional é un obxectivo esencial no noso proxecto. Consiste en axudar os nosos rapaces a desenvolver destrezas e actitudes para a busca, selección, e análise da información e para a súa posterior síntese e difusión en diversos soportes.
Na alfabetización informacional tamén resulta fundamental aprender a contrastar a información, analizar a súa veracidade e, en definitiva, desenvolver o espírito crítico e creativo, ingredientes básicos dunha cidadanía activa e responsable neste século XXI no que nos toca vivir.
PARA SABER MÁIS
INFORMACIÓN PARA O PROFESORADO
O espazo ALFIN está destinado a proporcionar a todo o alumnado recursos valiosos para as competencias relacionadas coa busca, selección e tratamento da información.
Seguindo a Clasificación Decimal Universal (CDU) dispoñemos de ligazóns a recursos que deben recoller información fiable e rigurosa.